Dinding Yang Kasih Makan

Pace Yaklep deng de pu mace bakalai ancor. Habis bakalai, mace ko bikin slak tra mo bicara sampe dong dua masuk kamar untuk tidur. Di tempat tidur, mace ko bikin tidur menghadap dinding tra moliat Yaklep pu muka. Pace Yaklep bore-bore untuk bicara tapi mace tra pusing.”Mama… sa minta maaf eee…sa memang salah”. Dengar begitu mace ko bikin telingga tuli. Karna su jengkel pace Yaklep langsung batariak.”Yo… tra apa-apa sudah, tra mo dengar sa lagi ee.., habis slama ini yang kasi makan ko dinding jadi”