papua hits

Jadi setiap pulang sekolah ni... Yaklep de tinggal makan sayur daun Pepaya trus.. Satu kali ne, mungkin karna Yaklep de su bosan makan daun pepaya jadi.. Yaklep tanya sama de pu mama...  "Mama..mama... kenapa mama ko tinggal masak daun pepaya trus..." Mama: "Yoo... ko makan.. itu juga berkat too..." Tra lama yaklep jawab; "Ahhh.. kimai.. berkat apa yang pahit begini"...

Satu remaja ni dia pu nama SEPNA, dia lagi mengadu sama dia pu mama, tentang dia pu kehamilan.. Sepna : “Maaaaa… sa mo bilang sesuatu… tapi mama jangan marah sa e??!” Mama : “Yo’ kas tau sudah, ko mo bilang apa kaaa?” Kemudian Sepna peluk dia pu mama sambil dengan nada pelan dan takut-takut, dia atur dia pu kata- kata, Sepna : “Ma, sepertinya, Sepna hamil ma..” Mama : “Apaaaaa!!!… ko bilang apa?, ko stop bicara sudah…” Sepna : “Sepna minta maaf ma…. mama ko jang marah kaaa?” Dia pu mama diam sebentar, trus sambung lagi. Mama : “Mungkin ko kecapean tu, ko pigi istirahat, tidur sudah… “ Sepna : “Tapi akhir-akhir ini Sepna, mual-mual terus maaa…???” Mama : “Ahh… paling ko masuk angin kapa.. Ini mama kasi uang ko pake beli minyak kayu putih , ko gosok ko pu perut baru ko pi tidur sudah, besokx pagi, pasti ko badan su enak…” Sepna bukan tambah tenang, tapi dia malah menangis.. Sepna : “Ghiii… hi.. hiiii.. hiii.. hiks…, Maaa… Sepna tra masuk angin, sekarang ini Sepnax bawaannya mo makan yang...

Pace 1 sakit sampe su mau mati karena kanker, jdi de pesan sama de pu anak, " anak... kalo nanti bapa mati dan bapa pu teman-teman tanya bapa sakit apa, jang ko bilang bapa kanker e, tapi ko bilang saja bapa kena "AIDS"... De anak heran jadi tanya, "kenapa, sa harus tipu dorang kah?" Langsung de pu bapa bilang, " bodok sampe, supaya kalo bapa mati trada yang ganggu ko pu mama thooooo....... .... Hahahahaaaeeeee.

Yaklep pas pulang kerja dia dapa kabar gembira dari dia pu maitua. Mace : "Yang, sa pu brita gembira untu ko." Yaklep : "Brita apa cayang?" Mace : "Tra lama lagi penghuni ruma kitorang akan bertambah. Kitong tra lagi berdua, tapi bertiga." Yaklep malompat bahagia deng dia beri kecupan sayang pada dia pu maitua. Yaklep : "Ohhh... Yayang, skarang sa laki-laki paling bahagia di dunia," Mece : "Sa juga perempuan paling bahagia di dunia. Jadi mulai besok sa pu mama su bisa tinggal bersama kitorang to..??" Yaklep hanya berkata singkat, "Apaaaaa !!!!!?????"