papua hits

Ada pace tiga ini pi berlayar... 1 Kristen, 1 lagi de beragama Hindu.. trus 1 lagi tra pu agama.. Baru sampe tengah laut, perahu su bocor besar.. air masuk sampe hampir tenggelam.. dan dong su pasrah sudah... Tra lama yang kristen de angkat; "Ya, Malaikat Surga.. datanglah dan duduk disampingku.." Hindu lanjut lagi: "Ya, Dewa.. datanglah dan duduk disampingku.." Tra lama, yang tra pu agama ni batariak dorang 2.. : "eh... kam 2 Goblokkk k? Kitong 3 saja perahu su mau tenggelam... baru kam dua pangil dorang tambah lagi...

Simon ni de dari Kampung de lihat Obed lagi sementara makan jagung rebus di pelabuhan.... jadi dengan sok Akrab Simon de tanya Simon : "Pace ko lagi makan apa thuu..??" Obed : "Sa lagi Makan Jagung To..Ko Mata Buta kah..??" Karena Tersingung jadi Simon de bilang... Simon : "Dikitong Pu Kampung tuh, jagung tong kasi makan Babi.." Obet de cuma diam saja. Saat dong naik kapal begini pas sampe tengah laut kapal oleng jadi Simon de mabuk laut sampe de muntah2, Simon Muntah begini yang keluar ada jagung lagi yang ikut keluar jadi... Obet cuma senyum senyum, dari jauh trus de batariak kuat kuat... Obet : " Weeeeeee.. siapa pu Babi yang Muntah-Muntah tuuuuh...!!!" Haaaaaeeee....# Simon Muka Bodok Langsung....#