papua hits

Pace satu dia ada bikin kebun pisang di satu pulau yang kosong. Jadi setiap kali napi mau pergi panen  pisang sudah ada orang yang pergi panen duluan, Pace emosi skali. Pas musim panen berikut, de bikin pondok di kebun untuk tidur jaga-jaga pencuri jadi napi sambil tidur tiba-tiba ada Mace satu menggayuh perahu menuju pulau yang pace ada tanam pisang dan mace sandar perahu langsung tebang pisang-pisang di situ. Pace berteriak: "Iyoo mace ko tebang, ooo bikin macam ko yang tanam pisang saja!" Mace karena kaget langsung mace bilang: "Boo... pace saya minta maaf sekali, kalo begitu pace ko hitung sudah brapa nanti sa bayar..." Pace dia diam baru dia cuma jawab: "Sudah-sudah! Potong daun pisang baru buat alas di situ... jangan bicara banyak lagi..."

Pace satu de mati mancing eeee. Trus de pergi ke kolam. Tapi disitu ada tulisan � dilarang mancing� tapi pace hajar saja. Deeee pasang cacing dimata kail dan langsung lempar ke kolam. B�gini ada pace yang punya kolam bilang : �Bapaaaa ko k�napa mancing disini?, su dapa larang baruuu?? pace beladiri, baru bilang, �ahhhhh sa Cuma kasi mandi cacing saja mooo, kamm marah2 sampee�.�

Tete dengan Nene dong tidur. Begini pencuri masuk dalam rumah, ancam bunuh tete dg nene pake parang di leher. Pencuri : "Nene ko nama sapa?" Nene : "Sa nama MARIA anak." Pencuri dengan gaya menyesal langsung lepas parang dari nene leher, baru bilang, "Nene sa tra sanggup bunuh nene, abis nene nama sama dengan sa mama pu nama jadi..." Sekarang tete pu giliran. Pencuri sandar parang di tete tanya tete nama..? Tete : "Sa nama YUSUF, tapi anak kompleks dong biasa panggil sa MARIA...." Haaahaaahaaa.......

suatu malam.. tete deng nene ada tidur. tra lama kemudian.. ada seorang pencuri masuk kerumah. dan de todong senjata tajam ke nene pu leher. nene deng tete gementar dan takut.. pencuri ini bilang.. " kam jang berteriak.. kalau berteriak.. sa bunuh kam dua ! akhirnya tete deng nene diam. trus pencuri tanya sama nene.. sambil taru parang di nene pu leher. " eh.. nene.. ko pu nama siapa ? nene jwb dgn nada gementar.. " sa.. sa pu nama maria . pencuri langsung bilang.. " adoh.. sa tra jadi bunuh ko nene... nene ko pu nama sama dengan sa pu mama dirumah. langsung de kas pindah parang ke tete pu leher.. dan de tanya.. " eh.. tete.. kalau ko pu nama siapa ? tete jwb dgn nada gementar.. " saa.. sa pu nama... Obet.. tapi biasa anak;anak di kompleks panggil sa maria . haha... takut sampe salah karang nama

Tete deng Nene dong dua pi Cabut keladi dikebun...Selesai Cabut Tete deng Nene bawa pulang kerumah... Tapi ditenggah jalan Tete ingin Main skali jadi Tete bilang Nene taruh Keladi di pinggir jalan situ dlu baru dong masuk ke Hutan2... Pas Tete deng Nene selesai Kerja Bhakti dong dua keluar dari Hutan Keladi orang su Pencuri... Nene de marah skali sama Tete jadi Nene de bilang... Nene : Gara2 Ko pu Nafsu Biadap tuh akhirnya tong pu Keladi orang Pencuri... Sambil senyum2 Tete bilang sama Nene... Tete : Nafsu de tra salah...Yang salah tuh Orang yang Pencuri keladi tuh...