papua hits

Suatu hari tete sama de pu cucu ada duduk" di Depan Teras rmh... tra lama Nene dia lewat.. Tete : "Sayangk.. Biking sa kopi dlu kah...!!!" Nene : "Jisss.. Koe pi bkin sndri.. tua bangka ni.. tete senyum saja Tete bilang ke dia pu cucu... Tete : "Cucu Ko liat itu ko pu nene dia pu jahat saja" Cucu : "itu lagi tete.. nene ni tra mngrti skali" Tra lama nene lewat lagi... Tete : "Bebzz... Ko jgn marah kah sa sygk n cinta ko baruu" Nene : "Ededeeh Ko stop makam puci sdh.. botak ni.. " Tete snyum-senyum saja... Tra lama dia pu cucu tnya ke dia pu tete.. Cucu : "Tete ni Romantis skli ee... panggil" nene Sygk bebzz.. Rahasianya apa tete kh..??" Tete : "Sa mau kasi tau tp ko diam" ee.. jgn smpee ko Nene tau.." Cucu : "Ok tete Sip" Tete : "Sini ko pu telinga tete bisik akang.., Sa panggil" bgtu ke ko pu nene karna tete lupa nene Pu Nama.." Hahahaha D

Jadi ceritanya ibu haji ke Pasar mau beli kelapa.. karena su malas jadi.., mace Haji de tanya ke Nene yang sebelah rumah pu kelapa.. Ibu haji : "nene, kelapa 1 brapa kh..?" Nene : "1 Buah Rp.5000,-" Ibu haji : "Jii... kelapa kecil2 baru..mahal sampe" Nene : "kecil apa.??..coba ko TELAN 1....??" *kira-kira mace Haji de jawab apa e?

Satu kali ni.. Sepnat dorang kerja bakti di kompleks.. Trus pas selesai kerja, dorang siap-siap makan rame-rame...  tapi ini yang datang makan ni, orang tra sedikit.. datang deng tajam alias 'taksir jam makan' Trus dorang minta sepnat pimpin doa..  Sepnat ko kesal karena banyak yang tra ikut kerja... Sepnat: "Terima kasih Tuhan atas sgalah berkatmu, mulai dari kegiatan kerja bakti yang dilakukan oleh 5 orng, sampai tiba saatnya makan siang ini yang hadir satu kampung ohh….,Tuhan tolong berikan roh malu kepada mereka yg datang takser jam makan ini, Amin………!!!"

Mince sms obed... Mince : "sayang, posisi dimana??" Obed : di rmh sj ni,,bgmn syng ! Mince :syng bs ke rmh kh ?orng rumah ada pergi,, rmh kosong ni,,, Obed : bahh siap syng sa meluncur skrng, Dengan semangat gas dengan motor sudah moo ke Mince pu rumah,, tra pake lama Obed su tiba karena saat-saat begini sudah yang da tunggu..,, sampe depan mince pu rumah obed sms. Obed : sayang,,sa su ada depan rumah ni,,keluar sudah ,, Mince : ouw sayang su di sa rumah kah ? Obed :iyo sayang buka pintu sudah baru sa masuk. Mince : jiii,,maksudnya sa sms sayang datang karena rumah kosong trada yang jaga,,sa juga ada ikut mama dengan bapa keluar,,jadi sayang datang duduk depan rumah sambil jaga rumah dulu too. (Obed rasa2 mau telan motor) Hahahahay ,moga terhibur.

Pace satu prg lanjut kuliah di jawa ,, su tinggal ada tiga bulan jd de punya teman jawa tanya sama dia . Mas Jawa: "mas udah kerasan ya tinggal disini?" Pace kojawab santai saja ; " semua tu tergantung mas kam saja kalo mas kam kras sa juga bikin kras "

Obet : Selamat Siang...!!??!! Trada suara jadi Obet de buka pintu...Pas de masuk de lihat de pu Bapak ada duduk Rumus Togel diruang Tamu... Obet taruh tas ganti baju trus de tanya sama de pu Bapak... Obet : Bapak...Mana Mama...?? Obet pu Bapak tetap diam saja sambil duduk serius Rumus Togel... Obet de Emosi skali...de alasan pergi Baring2 di Sofa dekat de pu Bapak.... Baru tidur 5 menit... Obet de alasan bicara... Obet : Angka...Angka..Angka...!! Obet pu Bapak langsung Peluk Obet baru de pu Bapak Tanya.. Bapak : Angka Berapa anak...?? Ko bilang Angka Berapa..?? Langsung Obet Bilang.... " ANGKA SA MASUK TIDUR DIKAMAR.." Haaaeeee....# Kira2 Obet de pu Bapak Angka dia ke Kamar ka tdk eh...??